好抵

又到HAPPY SATURDAY LA

尋晚落了一場超級勁大的豪雨後，今日的天氣變得好清涼，濕度仲回覆乾爽添
真係VERY GOOD AR

起身已經係10點幾，又要預備出街去喇

約左幾個朋友仔去食BRUNCH呀

搭車出得尖沙咀先去買定直通火車票星期一上廣州

是日係食日式鐵板燒呀

 前菜
蟹子沙律AND鮪、鮭、胡瓜卷

CHEF為我地準備緊蝦蝦同雞雞

鮮蝦與帶子
唔好睇佢好似細細舊，其實佢係四件為一隻架！所以原本係好大隻架
真係鮮味十足架

 每人一件的羊架，5成熟剛好呀
一點羶味都冇架！

味噌三文魚AND雞肉
一向唔LIKE熟了的三文魚，因為怕佢會好腥而且D肉又"鞋"喎
但LEE個三文魚真係堅好味呀！一點腥味都冇，墊底的菜菜吸收哂D魚精華同味噌，真係好YUMMY架！
雞雞煎得好香脆，外皮煎到脆卜卜架

 煎鵝肝多士
睇下幾大塊鵝肝，真係好好好味呀！
正回味中呀

煎燒牛肉，又係5成熟剛好！正！

 粒粒炒飯
其實食到LEE度都已經好飽，但炒飯炒得真係好好食，唔食好似好浪費，最後都係食埋佢

 炒雜菜，雖然只係簡單的雜菜，但唔知點解可以咁好味

粒粒紅豆雪糕

一餐好抵食的任食BRUNCH，以上食物除左鵝肝同羊架，全部都任食架！都係$428蚊炸
而且HSBC白金卡仲有折添呀

我相信我會好快就會再黎食過架！

食飽飽我地就落阿宜到敗家喇
又敗左D春夏衫褲呀！

敗完家大家都各自有野搞LU，所以我就落左旺角幫家姐E拎團購了
跟住就歸家去了

返到屋企見到細佬喺度歎緊生蠔呀

 因為LUNCH食得太飽了，DINNER唔係太食得落，食件蛋糕算了
好美味的栗子蛋糕

 唔知係咪行左一日，隻腳好倦呀！
今晚都係早D瞓算了

餐廳資料：
雲海日本料理
地址：尖沙咀喜來登酒店3樓
電話：2369 111