Suddenly

一個熱到冇朋友的星期天呀
話咁快又到6月的最後一天喇

起身已經係11點多喇！
約左兒甥TETE去飲茶呀

臨出門當然要請小波子食餅餅啦

 我每次出街前都會同小波子講：『乖呀！一陣返黎同你玩』HEHE

又係去陶源飲茶，而且好抵呀！大中小點都係18大元
而且點心真係有質素架
你睇！豬TETE食得幾HAPPY

飲完茶就同TETE去食ICE-CREAM喇
　
之後我就自己去油麻地二德惠入貨就返屋企

返到屋企見開始冇咁曬就帶波子落狗公園玩下喇

跑夠玩夠就返屋企剪毛沖涼

天氣真係太熱喇，所以幫波子剪到好短呀！
波子沖完涼爽哂，但我就成身臭汗呀

拿拿聲去沖過涼又出去LU

約左朋友去食越南野
越式焗乳豬
味道唔錯但皮唔夠脆，兩個人食真係有點"漏"

柚子沙律
柚子好新鮮而且好甜，沙律醬汁都好好
但隻甜甜就過熟了

鮮茄蟹肉湯濛粉
個鮮蕃茄湯好GOOD呀！蟹肉都有好多喎！

 碗湯濛飲左好多湯，但一D都唔口渴喎！GOOD

間野都幾好食，但禮貌就冇嘜喇！一見你食到七七八八就過黎想叫你走咁

食飽飽就歸家喇！
好倦呀！要瞓LU餐廳資料：
芽莊越式料理
地址：尖沙咀海運大廈地下G51號舖
電話：2199 7779