真係有D倦呀!!!
所以我今日只會返半天工HAHA
睇下，唔見左幾日的臭豬仔大個左喎
臭豬仔越黎越可愛
整好哂野就返工了
返工前我要出銅鑼灣處理一點私務，再去用埋到期COUPON就返公司了
返到公司都2點幾了，天氣真係好熱呀!!!!
快手處理公務，原來已經係6點了
我要收工喇!!!
落佐敦處理私務，跟住就返屋企DINNER
咁又一DAY了
明天又放假了
2015年6月29日 星期一
暴走東京~~~DAY4
話咁快就第4日了，一陣就要返香港了
我好掛住屋企，又好掛住臭豬仔呀!!!!
今朝起身飲左盒MILK，又真係三文治就快快出去最後一激了
又係蛋黃哥
我地要先去SUPERMARKET買尋晚買唔到的厥餅，再買多兩PACK桃
跟住就去TOKYO HAND走一轉，跟住就食個EARLY LUNCH
我地選擇左食烏冬
我要左最簡單的湯烏冬再配了三件炸物，有炸雜菜、炸魷魚同炸獅子狗卷，個烏冬簡單得來好味
食飽飽再快手行多轉商場
再去買枝可愛飲先
要返酒店PACK好行李再CHECK OUT了
係LOBBY坐多陣，再去便利店買定兩個薯餅就要搭SHUTTLE BUS了
搭SHUTTLE真係好方便，唔洗上上落落，45分鐘就到機場了
CHECK-IN後就入去搵野食
原來想搵CAKE食，但行哂成個機場都冇，就佷個HOTDOG再坐杯朱朱力啦，杯朱朱力好好飲呀!!!
盡最後的努力喺機場又買左一堆手信
要上機了，BYE BYE東京
個飛機又係難食，個薯仔沙律直頭唔入得口呀
個機司真好，早左半個鐘到香港GOOD
一落機就遇到班強國旅行團，真的令人心煩
拎行李時再遇上，就令人更惱
朋友的行李被國內旅行團既男人拎左，佢拎完發現唔係自己既唔會搬番上行李帶，仲諗住推走
好彩朋友眼利，否則個行李就係咁die，激死人
CALL好的士快快歸家去了
一回家就有媽媽靚湯飲......真好
執好行李，沖埋涼，我要瞓喇!!!!
好倦呀!!!
今日係波子離開左我兩個月了
2015年6月28日 星期日
暴走東京~~~DAY3
在晴朗的一天出發
今日好好天喎，黎左三日終於都有陽光了
LEE個係酒店望出去的境
今日的第一站係宅男聖地<秋葉原>
LEE到真係好多宅男同強國人買電飯煲......
我地去秋葉原唔係買電器，係去食食食燒肉
喺秋葉原有一棟BUILDING係專食牛牛的，叫<万世>
全座都係食牛牛架
我地去到都係十點幾，但原來係開11點架，咁我地就喺便利店行下，跟住又喺LOBBY坐住等啦
11點了，去開餐了
LEE到D牛牛都好抵食喎
叫了兩個SET，有沙律、泡菜同飯
和牛12件~~~肥瘦都好均勻，味道都唔錯
大既三種盛~~~個牛舌好好味呀
另外叫了這個拼盤
食飽飽又要向下一站出發了
下一站係去搵麵包超人
搭JR去新宿轉丸之內線
店唔太，但想買的東西都有
新宿向池袋方向，搭兩個站去 四谷三丁目
無街名的，你晌消防博物館出口出，轉左行，記住係轉左
佢幅圖都只係寫四谷三丁目，是但一個睇錯方向都會去唔到
入面仲有好多日本小朋友坐喺到玩玩具
買齊就要向新宿出發了
去新宿目的只有一個就係搵波鞋
終於都幫朋友買到波鞋了，任務完成去食個TEA先
LEE個甜品不得了呀!
由上層開始講，軟雪糕、蜜紅豆、丹麥酥，個丹麥酥超好味，好鬆好脆，配埋雪糕一齊食真係無得頂呀!!!
食飽飽又買左波鞋就去行一陣高島屋
行左個圈就返池袋了，但要由高島屋行去JR線真係好遠好遠
返左池袋就去西武買下手信喇
見到有特別版KITKAT，又買幾盒先
真係行到好倦呀!!!
是但上西武食吉列
可以食勁多菜菜了
我地兩個倦到唔想諗，就叫了這個二人餐
見到碟野真係有點後悔，真係食唔哂喎
食飽飽又要慢行番酒店了，沿路再睇下有乜買啦
返到酒店HEA左一陣再去SUPERMARKET買買買
最後我買得最多係......薯片
唔同味道的卡樂BBBBB
三日的戰積
仲買左個CAKE同生果
好倦了，我地要SLEEP
餐廳資料:
万世牧場
地址: 東京都千代田区神田须田町2-21 5F
TIPS: JR秋葉原站電器街出口行5分鐘
St marc cafe
地址: 行到去新南口，高島屋對面
2015年6月27日 星期六
暴走東京~~~DAY 2
GOOD MORNING
今日都係天陰陰，但冇落雨喎!!! GOOD
尋晚買定左早餐，咁就可以食少少野先出去喇
咖排奶配上碎蛋三文治，簡簡單單但好美味
食飽飽就出發了
第一站係惠比壽，本來黎LEE度係為了拉麵，但全部店都未開
行左一個圈見到有一間開了，就是但入去試下啦
叉燒拉麵~~~其實都好味的，個湯咸左D，個蛋又熟哂OH
食飽了就向下一站涉谷進發
周街都係蛋黃哥
去到涉谷第一站就係搵APE
其實人唔太多，但都排左半個鐘，因為店想1對1的服務，的確服務係好好的
最後都買到大家想買的東西了
第一個MISSION搞掂就去食個TEA同搵TOILET
見到有Crepes食就行左入黎HAHA
栗子味~~~個Crepes其實普通啦，但個CREAM好滑，栗子又好甜美，仲有球雪糕又幾唔錯喎
焦糖味~~~個焦糖可以再香D，如果有埋雪糕會更GOOD
食飽了又要向原宿進發了
原宿的竹下通好似香港的花園街，超級多人
喺LEE度總算買到D手信，仲要係MADE IN JAPAN架
行左一個圈又要離開喇!
要向我們晚餐的地方出發了
下一站係麻布十番
LEE到個感覺好舒服，人唔太多，又好多食店，又有D野行下
有間專鹽的小店，佢有隻黑糖鹽糖好好味，不過冇買喎
行下行下見到LEE間鯛魚燒，離遠已經聞到好香
就算一陣要DINNER都想一試，好開心咁諗住買一件SHARE啦，但要等20-30分鐘呀!
等唔到啦......我地要去DINNER喇
行呀行，見到有炭燒串燒
魚蛋&豬潤~~~因乜事LEE兩串野咁好味架
我番香港要試下整，希望成功HEHE
食完串燒就要去DINNER了
LEE個大少奶全個旅程話要帶我去食麻婆豆腐......比佢笑C
我地行呀行，再轉轉轉，終於都到喇
原來係食Omakase，由師傅決定比乜我地食
呢間壽司店被評為東京最出色既壽司店
店內環境細細的，但服務真的很親切
LEE個唔知咩魚，薄薄的，配埋葱一起吃的，其實食唔到咩味，其實係冇味HAHA
吞拿魚~~~吞拿魚配上生葱同生蒜片，再淹上香葱醬油，好鮮味呀
原個海膽~~~海膽原個即開，配上少許山葵，鮮甜X10
燒蜆~~~個蜆超甜，SIZE又大隻，蜆燒得剛熟，蜆下面D汁都唔浪費飲埋佢
燒魚~~~唔知係咩魚，但見師傅徒手將條魚起骨，好勁呀! 我一向都唔LIKE食魚，但LEE條魚好鮮呀，而且一D都唔腥
八爪魚
食到LEE到已經好飽了，師傅會問我們飽唔飽，唔飽的話係會繼續整的，飽的話就送上生果喇
西瓜~~~個西瓜超甜仲要起沙架，點解個瓜咁好食架，食完個人真係爽哂呀!
真係好滿足的一餐......好飽呀!
價錢10000 yen，飲品另計
價錢真係好抵，每一道都令你覺得值得
食飽了我地兩個就慢慢沿路行返去搭車，雖然好飽，但諗住行番去間鯛魚燒，但佢竟然收舖了......OH
搭車去新宿轉車返池袋
都營地鐵一出係新宿南口Lumine，比我地見到有雪糕食呀!
又到甜品時間了
綠茶軟雪糕配紅豆~~~個雪糕又軟又香YUMMY
好好味呀!!!!
真係一個開心又滿足的一天!!!
我的小豬仔又SLEEPING了
餐廳資料:
港鮨
地址: 東京都港区麻布十番３丁目３番地２
訂閱：
文章 (Atom)