國慶=放假

十月一日●國慶

國慶關我地事嗎？可能對我們來說只是多了一天假期，完全唔會因為國家生日而覺得好興奮......

同樣地只係覺得條街超多人，尤其係強國人，個個都拖住行李箱，仲要企喺街中間......

朝早起身已經差不多LUNCH TIME了

就整個HOLIDAY LUNCH食下先

 《栗子炒飯》

 食飽了就睇下電視，順便跟進一下《佔中運動》情況，又睇下今朝升旗時有冇事發生

佔中運動的同學仔都好克制，所以都冇事發生

睇下電視又HEA下就同小波子去做下運動喇

天氣不錯喎

 真係好LIKE波子開心笑個樣呀KISS KISS

 見到個傻仔笑得開心我都好開心

 上到山上跑呀跑，跑到伸哂脷呀

 跑得好滿足咁喎！

 

 跑到好倦要返屋企喇！

 同波子洗好手腳，我都沖個涼又出去行下喇

落左旺角感受一下佔中的氣氛

落到第一個感覺係好好，地方好乾淨，同學們冇大呼小叫

 每個人都搵個位靜靜咁坐喺地下

佔中同學仔在牆上貼心的心聲，一路行一路睇，都覺得他們寫得不錯，有一份理想，加油呀！

 泊在馬路中心的巴士，被佔中人士貼滿了各種的訴求

 行下行下，突然感覺旺角的空氣好清新喎！

行到每一段路都會一群人坐喺度，靜靜地聽住學者或大學生在表達是次活動的感受及見解，這就是我們香港人的素質

 同學們還會好貼心的，呼籲大家去幫襯小店

臨走時看見這一個情景真的令人感動

一個活動中，總會有害群之馬，總會有人做出損人而不利己的行為

在馬路中寫上不雅字句，場內的義工會自發去清理

 絶對相信這些小朋友平日可能連家務都唔會做，但喺LEE個時候竟然會自發去洗乾淨個地，用油漆油地

I AM PROUD OF YOU

行回旺角時，剛好8點多，兩年前LEE個時間就係南丫海難，所以大會做一個簡單的默衰

感受完就走LU

約左契仔媽食糖水，佢宜家搬左去九龍城真係好方便呢！

落到九龍城先去食碗粉，我未食DINNER呀！

牛腩片頭河粉~~~牛腩好"鞋"，片頭得兩片，但河粉好滑喎！個湯底都不錯，碗野唔平架，要38大元架

 食飽了就去買D野就去契仔媽的新居了

好耐冇見過契仔，兩個契仔都大個左好多

等兩個契仔瞓左覺，我同契仔媽就去食糖水AND吹水喇

金玉滿堂~~~芒汁勁濃，芒果好甜，配料又夠多，重點係夠凍

 芒果椰皇燉奶~~~好滑滑喎！質感好好！

傾下傾下已經成點喇！

快快返屋企喇！

下次再傾過喇！

餐廳資料：

金豪茶餐廳

地址：九龍城獅子石道91號地下

電話：2382 1191

金滿堂甜品

地址：九龍城城南道5,6,9號舖

電話：2383 3102