戚戚然

今日已經係佔中第十八日了

相信對大家的生活唔多唔少都會有影響，但這些影響都不夠看見一幕幕新聞、網上的轉載、朋友的MSG的影響大

尋晚深夜，警方又有行動了

其實由黑社會在旺角搞事，愛乜愛乜字頭的人出來反佔中，不斷的有戴MASK拆佔中人士的圍欄，果個潑婦『私煙』出來抽水，到昨晚警方濫用暴力

這一點一點真令人不禁心寒

我今朝睇住唔同的報導，我的毛管都動了！

 上星期日睇著電視我們特首的專訪，已經不理會在的語言有多藝術，但都的有點問非所答，其實真係想問一句，你係咪唔明人問乜呀......嬲！

仲有就係放催淚彈唔係你決定，係在場指揮官決定，但停放你就有參與，咁你又有乜理據去停放呢？

放唔放要看現場情況，停放就唔洗看現場嗎？

你真係覺得香港人個個都咁蠢

仲有就係果班專貴的『垃圾局』議員，班學生喺出面佔中，睇書、摺紙、叫口號、寫感想、分享感受、唱歌，你們開會又伯乜呀！又要護送又要開條專貴路線比你地，你地冇做過衰野洗乜咁驚呢？唔揸車要死嗎，如果要死好多人都要死啦！不知所謂

警方的所作所謂，真的要引用阿特首夫人的一句話『不禁倒抽一口涼氣』

由一開始都覺得你地好辛苦，明白你地都係接ORDER做野，但你們一次又一次的行為真的令香港人失望

拎傘帶眼罩，你們覺得這是武器

對住舉起雙手的佔中人仕，你們可以將胡椒真噴面上

黑社會搞事，你們袖手旁觀

女仕被非禮，你們當自己是觀眾

所謂食生果所以帶刀出街，你們直情好似唔覺得有問題

 清走圍欄，你們覺得唔係清場係洗理雜物

 
仲有更多更多的無理的道理，真的不能盡錄

一早醒來，睇住文字同動新聞，警方拉左人仲要帶埋一角拳打腳踼，喺大庭廣眾都可以咁，返到警署可以會係點呢？你夠膽想像嗎？

警察因為工作量增加而情緒失控，所以可以濫權打心
我們因為政府唔回應而情緒失控，可以打高官，打警察嗎？

其實成件事就係政府的問題，絶對明的好多事都唔係政府話事，但面對學生、市民的訴求，點解你唔出來呢？

特首的誠信已經破產，香港人還可以信你嗎？

我們的家《香港》可以怎樣行下去呢？

P.S.

只是突然心有戚戚然，所以就寫低作記錄