睇住

LEE兩日隻臭豬仔唔知做乜，一日仲會有一兩次賴下尿，今日就全日睇住佢先

 原本今日我們這一家去旅行的，但豬仔仲細又冇人餵佢食LUNCH，所以我就決定唔去喇

睇下隻臭豬仔幾懶豬

 同豬仔玩左一朝，又餵埋佢食LUNCH，跟住我就清潔下屋企，跟住再幫豬仔洗白白

洗完白白真係好倦，但我唔知點解豬仔都好似好倦咁HAHA

 睇下豬仔瞓得幾甜幾舒服

 瞓夠又出黎玩一陣，玩一陣又會休息下，豬仔真係好識養生

 有時無聊又會瞓喺到周圍望，望完又會瞓下

 睇下佢瞓得幾舒服

 瞓夠喇！又起身玩玩LU

睇下豬仔好似隻公仔咁

懶豬又瞓了

瞓醒又玩過HAHA，每次不停重覆以上的動作

 睇下BELLA豬玩得幾開心

 DINNER是但食D野就算了

咁又過左一個好無聊的星期天

不錯

今朝起身後同隻臭豬仔玩一陣就要準備出去了

今日真係好HOT呀！

 同朋友約左食LUNCH，想搵一個地方靜靜地，又坐得耐，又可以慢慢咁傾下計

尋日上開飯喇搵下搵下就搵到LEE間樓上CAFE喇

地方真係唔錯喎， 坐位夠闊夠舒服

咁就睇下食物方便啦

我地各自叫左個SET，跟住再加個小食

芝士焗薯條~~~個薯條焗得好香好脆，味道好好，配埋個酸忌廉，好好味呀！

海鮮意大利飯~~~個飯煮得剛好，味道又剛剛好，配料都唔少，好味喎！

 卡邦尼意粉~~~配料好多，意粉軟硬適中，汁唔多唔少剛好，真係做得不錯

食飽飽仲可以玩下GAME，我地傾下計玩下GAME又坐左幾個鐘了

LEE度D飲品都幾特別架，仲有酵素飲，而且味道都好好味

大約5點我地就走了

朋友去落銅鑼灣，我就行左陣花園街就返屋企了

夜晚是但煮左個湯烏冬食，跟住又同豬仔玩一陣

LEE隻臭豬真係好爛玩架

 唔知點解我今日好似好倦

未到十點已經想瞓了

餐廳資料：

玩具小屋咖啡室

地址：旺角彌敦道570-572號基利商業大廈901室

電話：5612 3773 / 5612 5338

話咁快

時間真係過得好快

我的小波子已經離開左我一個月喇！

小波子雖然離開左我，但牠的每一件事都永遠留在我的心中

我都仲好掛住您呀......波子

其實耐唔時我都會記起意外的一刻，記起時個心真的很痛

返到公司做下野，整下野又一日了

收工後先返屋企餵左豬仔食野

跟住就同屋企人去食PIZZA了

 睇下個BELLA豬見到個PIZZA幾HAPPY

 食飽飽行一陣就返屋企了

真正朋友

今日我好忙呀！

今朝特登早少少返公司

忙左一個早上，下晝我約左奶去HIGH個TEA

佢LEE兩日好唔開心，所以就約出黎見下，順便同佢傾下計啦

我地去左THE ONE間DAZZLING CAFE

 冇得BOOK位又冇得拎飛，要排隊入的

 排左大約20分鐘就有位了

 我地一坐低就快快叫野食了

樂活蜜桃柚香冰茶~~~SO FRESH，味道不錯喎

 鳳梨伯爵風味茶~~~伯爵茶加入新鮮的菠蘿原來都好夾架喎！

 松露薯條~~~個薯條一放低已經聞到超香呀！薯條炸得好香好脆但一D都唔油，加入了少少黑松露醬又真係好香喎！

草莓繽紛冰淇淋鬆餅~~~個WAFFLE的質感係脆脆的，我覺得脆得黎硬左少少，味道OK的，士多啤梨好甜，其實見到都好開心了

抺茶蜜紅豆蜜糖吐司~~~見到已經好興奮了，不過抺茶味唔係咁濃，如果濃D會更好，個蜜糖吐司都做得不錯，脆脆的一粒一粒，食起來好方便

LEE度有限時架，每張枱都係坐90分鐘
食飽了我地就去樓下12蚊店行個圈，跟住我好人做到尾，仲陪奶搭車返將軍澳，跟住我就轉車返屋企了

返到屋企就同隻臭豬仔玩下

隻豬仔晚晚就係咁瞓著架喇

又聚了

各位早晨呀！我係豬仔呀！

 豬仔好似未瞓醒咁呀......HAHA

天氣真係又焗又熱，每日諗著乜衫真係好頭痛

 返到公司做埋D野又焗下蛋糕先

今晚約左班BEAUTIES DINNER呀

 本來諗住唔食LUNCH，但又口痕痕，又煮左個雙腸麵食下啦

 今晚我地揀食中餐，方便大家就揀左凱悅軒

真係好肚餓呀！坐低後就叫D前菜食下先

蜜汁叉燒~~~肉質夠軟，味道好好，肥瘦均勻，真係好好味

八味豆腐~~~豆腐炸得好乾身，外皮夠脆，內裡又軟軟的NICE

 西柚大蝦~~~個蝦好爽口好鮮甜，蝦蝦配上西柚肉好GOOD喎

 帶子琵琶豆腐~~~琵琶豆腐做得好香，入面食到大大粒帶子架

菠蘿咕嚕肉~~~菠蘿係新鮮菠蘿，好甜好多汁，咕嚕肉做得好香好脆，內裡還有肉汁的YUMMY

 苿莉茶燻雞~~~隻雞做得好軟滑，隻雞又浸得好入味，肉好軟好滑.....好味呢！

欖菜乾扁四季豆~~~唔油，好味

金瑤海鮮炒紅糙米飯~~~飯炒得一粒粒，個飯炒得好香，味道好好

 家鄉菜粿~~~個皮做得好薄，細細件剛剛好

食飽飽又傾飽飽，都十一點喇！

大家明天都要返工，要歸家搵周公了

返到屋企見到隻豬仔咁瞓覺

餐廳資料：

凱悅軒

地址：尖沙咀凱悅酒店3樓

電話：3721 7788