下大雨

幾時先停雨呀？

我想同豬仔去跑跑呀......

起身已經12點了，SUZAN打黎話不如食個TEA

見時間OK就GO GO GO啦

落到九龍城都成點幾喇

快手食埋個LUNCH就返屋企了

返到屋企見好似停左雨，同豬仔去跑下先

見出面個地濕就同豬仔喺停車場行下啦

 不過喺停車場豬仔唔太開心，就照去球場玩啦

 第一次去濕濕的球場玩，跑到差D跣親呀

 跑到成身濕哂就返屋企洗白白了

洗完白白的豬仔舒服哂

 真係休息都招積D架

 時間剛好就要去DINNER了

我們這一家BOOK左今日去食父親節飯呀

家姐BOOK左LEE間喺工廈的私房菜，環境就當然麻麻地，但食物真係好正YUMMY

杏汁豬肺湯~~~個湯煲得好夠火喉，大大煲足夠12個大人飲，個杏汁好香好香，湯料都好豐富

野生黑木耳伴秀珍菇~~~個木耳好爽口，味道又好清新NICE

冰鎮豬手~~~豬手質感好爽口，酸酸地好FRESH呀

 強記三寶

自製叉燒~~~半肥瘦的叉燒，味道醃到味道剛好，肉質好軟...好好味呀！

咸魚煎肉餅~~~味道唔會太咸，肉餅煎得外脆肉軟YUMMY

炸大腸~~~豬腸炸得好香脆，又唔會炸得好乾NICE

雪花炸蝦丸~~~個蝦丸好彈牙

 黃金蝦~~~蝦的SIZE都好大隻，蝦肉夠彈牙，一道好惹味的菜式，D咸蛋黃真係好邪惡

 鎮江骨~~~好正呀！酸酸甜甜，一字骨好入味

梅菜炆腩肉~~~腩肉炆得好入味又好"林"，好好好邪惡呀

啫啫通菜煲~~~味道唔會好咸，熱辣辣又啫啫聲，YUMMY

 

 黑椒雞蛋焗魚腸~~~一道好懷舊的菜式，但因為我好怕腥，一啖都唔試，家姐就話真係做得不錯呢！

 胡椒蟹~~~蟹好新鮮，蟹羔超多呀，肉質夠實，味道好正呀！

 薑葱爆豬肺~~~真係估唔到原來豬肺咁整都咁正喎，好惹味又好正........好好味！

臘味糯米飯~~~糯米飯一D都唔油，糯米飯好好味

 
LEE餐飯真係好正，又好飽！

食飽飽就返屋企搵我的小豬仔了

LEE隻臭豬真係好嗲豬架

我都要瞓喇！

GOODNIGHT