睇呀睇！奧運GO GO GO

好好天的SUNDAY
藍天白雲呀！

但唔出街呀！因為要睇奧運呀！
鍾意睇奧運，係非常鍾意睇奧運呀！

但今天奧運要不停咁轉台呀！
TVB同ATV CROSSOVER呀！
每人播兩個小時，轉呀轉！

我諗成世人睇得最多ATV都應該係LEE兩個月！HAHA

今日奧運不停播女子單車公路賽，悶到反肚呀！
播左幾個鐘都仲係LEE個賽事，而且ATV的旁述真係廢到不得了，我真係有衝動熄左聲齋睇畫面呀！

我諗單車公路賽來來回回播左幾個鐘，終於等到佢衝線喇！YEAH！終於完喇！
可以睇跳水呀！點知播柔道，又係悶到抽筋的賽事呀！快D播完啦！
我要睇跳水呀！

做喇做喇！
雙人女子3米彈板，中國隊今天冇左晶晶，但仲有吳敏霞再加新人何姿，好勁呀！其他隊真係冇得追呀！最後拋離第二名成廿幾分呀！

喺等緊睇跳水時，真係悶都發謊呀！
去搓個包包先，搓左個硬豬仔比媽咪明天做早餐先

 一出爐媽咪剛巧返到，即刻食左個，佢話好味喎！

我就繼續睇奧運，做完跳水做女子體操呀！

一路睇一路諗，自由體操果塊地係咪有彈力架！點解D運動員可以彈到咁高！好厲害！
好夜喇！要瞓喇，又唔捨得瞓呀！