最愛賴尿蝦

又到開心星期五LU
沖番杯綠茶利賓納飲下先

 其實今日冇嘜野做呀！其實有邊日係多野做架？HEHE

今日老細番左黎呀！但唔會因為老細返左黎，我就會扮忙扮多野做的！
因為佢係唔會理我的！WAKAKA

下晝是但同老細落左樓下食LUNCH

DINNER就返屋企食啦！媽咪今晚煮飯呀！
我就唔知痴起邊條筋，好想食賴尿蝦呀！
好！即管去街市睇下有冇得賣先，YEAH！真係有呀！
海鮮檔老闆好好人架！比左差不多兩斤我都係收我40大元炸，係咪超抵先，我見佢個牌寫住56蚊斤架！

 媽咪整好番餸就等我大顯身手啦！

加D蒜頭葱頭同指天辣

 好快就食得喇！

 其實屋企除左我，係冇人好尿蝦的，所以咁大碟我係會自己食哂架！
係咪好變態呢？

食哂成碟後，真係飽到唔旭得呀！

軟心朱古力豬

整開奶油脆豬，邊有可能一個食哂咁多隻

見咁ARM有盒朱朱力開左，咪用剩餘麵糰做兩個軟心朱古力豬喇！

嘩！焗起上黎真係不得了呀！
好味到呢！真係唔講得笑呀！

 材料(A)：
高筋粉 300g
酵母 3g
糖 15g
鹽 4g

材料(B)：
冷水 170ml

材料(C)：
橄欖油 2湯匙

材料(D)：
苦甜朱古力 適量

做法：

1. 先將材料(A)勻合
2. 加入材料(B)搓成麵糰
3. 加入材料(C)搓至麵糰光滑及有薄模
4. 用濕布蓋著發酵45分鐘至1個鐘，麵糰發大兩倍
5. 取出麵糰，放在撒有高筋粉的平台上，平均分為8份
6. 把麵糰包入朱古力，搓成球型，再蓋上濕布發酵50分鐘
7. 以190度低架焗18-22分鐘

包包外賣仔

今日公司又變左包包工場，而我又變身外賣仔

早兩個應承左契仔媽整包包佢食呀！
咁整開唔會整少少啦！
一整就整左四十幾個佢嘆
分開兩日搓左兩個大麵糰，兩個麵糰加埋足足用左千四克粉呀
真係搓粉都搓到手軟呀！HEHE

除左契仔媽request的腸仔包仲整左四個沙律碎蛋包
點解整四個咁少，因為雪櫃得番一隻蛋囉！呵呵

 其實仲有黑糖合桃包

由十點到開始入爐，到十一點半全部都焗起哂喇
咁就執好哂野準備出發喇！

搭車去灣仔碼頭再轉車入屯門，入到屯門已經點幾喇！
坐左成個鐘頭車，巧急呀！拿拿聲搵TOILET再去會合契仔媽去搵食喇

我地最後去左丼丼屋
我就食烏冬，契仔媽就食飯
D牛肉唔係肥牛肉，D牛肉味都幾得喎！

 仲叫左杯雜莓沙冰，又幾好飲喎！因為應該係用新鮮的雜莓打的

 再加左個吉列芝士薯餅，都炸得唔錯

 食飽飽，就返去睇下大細契仔喇！

 細佬佬咩事咁可憐呀！契媽抱下你啦！

細佬佬：要乖呀！快高長大，仲要做個開心寶寶呀！

餐廳資料：
丼丼屋食堂 Dondonya Shokudo
地址：屯門市廣場一期2樓2162號
電話：2459 7880

Facial Day

忙碌的一天

早兩日放左假，今日要做番前兩日D野呀！真係唔洗做咩......HEHE

今日又要去稅局拎D文件，又要去入境署幫老闆交文件
咁出開灣仔我當然會去二德惠買粉啦！
D粉又加價喇！宜家真係嘜都貴架！人工幾時加呀！

LUNCH去左樓下食越南湯粉呀！
又幾好食喎！D河粉又好滑喎！

今日要準時收工呀，其實有邊日係唔準時收工架WAKAKA

今晚BOOK左做FACIAL呀！
女人唔補真係好易老架！

做完就返屋企喇！途中突然好想食朱古力消化餅呀！
一於去買黎食先，就當佢做晚餐啦！

 肥死喇！

餐廳資料：
河內越式粉
地址：北角電氣道160號木蘭苑A舖地下
電話：2512 6789

麥皮豬

我相信LEE個係一個超級健康的包包
因為材料冇牛油又低糖低鹽，仲要加埋麥皮添

 材料(A)：
高筋粉 300g
酵母 3g
糖 15g
鹽 4g

材料(B)：
冷水 170ml

材料(C)：
橄欖油 2湯匙

做法：
1. 先將材料(A)勻合
2. 加入材料(B)搓成麵糰
3. 加入材料(C)搓至麵糰光滑及有薄模
4. 用濕布蓋著發酵45分鐘至1個鐘，麵糰發大兩倍
5. 取出麵糰，放在撒有高筋粉的平台上，平均分為8份，搓成球形
6. 在包面灑上麥皮，再蓋上濕布發酵50分鐘
7. 以190度低架焗18-22分鐘 

大熱天時去BBQ

今日我決定要放半日假呀！
因為我約左紐紋去BB蕉，好開心呀，好耐冇去BBQ喇

朝早返到公司做左少少野，搽埋指甲同搓埋個甜包麵糰就走喇！

搭車返屋企拎車呀，點知落大雨呀！
唔緊要，落完雨仲好，會涼D麻

攞完車去接埋紐紋就出發喇
去到大欖都差不多三點了

真係好鍾意BBQ架

 

燒雞翼我鍾意食......WAKAKA

 我地兩個真係痴架！由下晝三點燒到夜晚十點先捨得走呀！
人生有個真正朋友的確好勁！HEHE

返到屋企波子仔見到我真係好開心，即刻幫佢影幾張相先

老翻奶油脆豬

一向都好喜歡食奶油系列的食品
奶油多，奶油包，奶油豬通通都喜愛

自從唔知幾時翠華個奶油脆豬出現了，真係每次去都要食，但我覺得佢太貴了，其實只係豬仔包烘一烘，搽D牛油同煉奶咁就十幾蚊，真係賺到笑呀！

今日我決定自己搓個豬仔包整奶油脆豬呀！

 材料(A)：
高筋粉 300g
酵母 3g
糖 15g
鹽 4g

材料(B)：
冷水 170ml

材料(C)：
橄欖油 2湯匙

做法：
1. 先將材料(A)勻合
2. 加入材料(B)搓成麵糰
3. 加入材料(C)搓至麵糰光滑及有薄模
4. 用濕布蓋著發酵45分鐘至1個鐘，麵糰發大兩倍
5. 取出麵糰，放在撒有高筋粉的平台上，平均分為8份，搓成球形
6. 放入模內，再蓋上濕布發酵50分鐘
7. 以190度低架焗18-22分鐘
8. 將剛出爐的豬仔包切開兩邊，再以180度焗約3-5分鐘至金黃
9. 取出搽牛油及煉奶便可

因為我只係整四個豬仔包，所以我做左食譜的一半份量

唔識飽

又星期一喇！
尋日買左對新拖鞋喺公司著呀！

 今朝媽咪買左份公司三文治比我做早餐呀！
雖然好大份，但又食得哂喎！

食飽飽就做野喇！
唔知點解今日好似好多野做咁喎！
但我又要搓定個黑糖合桃包麵糰呀！

明明已經食左成份三文治，理應LUNCH都唔洗食架！
LUNCH就真係食唔落喇！不過TEA就食得落喇！HAHA
TEA去左樓下間米線食左個三餸米線呀！

喺等外賣時順便行去麥當當拎紙袋，因為星期三要整包包比契仔媽呀！

 收工又要入馬鞍山做球證呀！

10點鐘準時收工走人，唔知點解明明今日食左好多野都仲係好肚餓
搭車返屋企食去海皇食碗艇仔粥先，返到屋企沖完涼仲要食左廿幾粒車厘子先捨得去瞓！

早抖喇！

行到腳趾都抽筋

晨咁早就起左身，有咩好做呢？
煮個早餐食下先

《魚餃腸蛋黑蒜油出前一丁》

 正呀！耐唔時食下D唔健康野真係好開心架！HAHA

食完同波子玩下先

 我係咪好靚仔呢！

下晝同家姐C同埋TETE去左葵涌廣場行街呀！
去開葵涌廣場當然順便買馬仔食啦！點知賣哂呀！好失望呀！

行左成兩個幾鐘真係好倦呀！真係行到腳趾都抽筋呀！
行番過新都會拎車果陣，見到好多大頭狗呀！兒甥TETE話要同佢地影相呀！
宜家D小朋友真係好勁架！隨意已經可以擺好多個POST架！

 臨走仲去TASTE行左一轉，見到車厘子賣力15.9一磅呀！當然要買番D啦

見D車厘子咁新鮮又卜卜脆，買夠4磅啦！

 買飽行飽睇飽就揸車返屋企喇！
今晚食嘜好呢？
大家都唔想出街同人迫，所以返左家姐C屋企是但但煮D野算了

有《鹽水雞腳》、《白灼芥蘭》、《手撕雞》、《紫菜魚蛋湯》、《咸菜炒肉絲》、《潮州白粥》其實一D都唔是但，仲幾豐富添！HAHA

仲有飯後果車厘子

冷氣

星期六喇！
今日冇出街呀！因為細佬房個冷氣要換呀！
要睇住同抱住波子仔呀！因為佢見到唔識的人入屋企會吠架！

有時放假唔出街喺屋企都幾好架！
優優閒閒的咁過一日，真係幾好架

大約四點到司傅就到喇，要快D帶波子返房呀！

好快整好哂喇！執好D野坐左陣就同媽咪去食飯喇！

我地是但去左味王食算了
我食左個蕃茄焗豬扒飯

又幾好味喎！

到期

雖然尋晚好夜先瞓，但今朝都要好早起身呀！
因為我突然發覺本特區護照到左期呀！因為工作的關係可能這兩天要到台灣一轉呀！

咁我太約8點半到灣仔入境署喇！
嘩！嘜咁多人呀！
排左一陣就可以上去喇！
上到拎左籌填左表就返公司先喇！因為張籌話12:30-13:00呀！

返到公司買個早餐食先，跟住拿拿聲做埋D手尾
跟住就出番去整PASSPORT喇！

去到仲要等呀！前前後後到走得比錢都成兩個鐘呀！

今日約左CARRIE食LUNCH，但最後變左食TEA呀！HAHA
我地求其去左食米線，因為我地只係想見見大家，傾傾近況啫！

 食飽飽後，CARRIE還有約會我就返公司做野喇！

唔知點解今日好似好倦咁呀！放工後都係快D返屋企休息吧！
屋企今晚冇煮飯呀！因為老豆返回鄉呀！
咁就睇下雪櫃有咩材料整個晚餐先，一於整個雞絲炒烏冬先
有菜有肉又有五殼類，均衡營養HEHE

 食飽飽，沖埋涼，今晚都係早D瞓喇！