心掛掛

又到星期中LU

你睇下小波子好似唔開心咁喎

 點解咁唔開心呢？

咪因為婆婆去左旅行，公公今日又返鄉下，我又要返工，屋企得返佢一個，所以咪咁唔HAPPY囉......

幾個鐘後，係呀，我返左公司做一陣野又心掛掛就返左屋企陪佢喇！

睇下，個樣完全唔同哂！

 睇下個波子仔，佢真係識性架！

見冇乜野搞就同波子落街啦，最緊要係冇落雨呀！

睇下行完返黎就坐左一陣就瞓到死左咁呀！

 

 陪左牠一個下午，比埋DINNER佢食我又要出去LU

條裙係之前喺阿宜到敗架，真係超靚呀！

好少會讚D咁長的裙靚架

 今晚約左大少奶、事頭同她們的一班食友GATHERING呀！

地點就當然是我同奶最愛的《Amore di Italian Restaurant》

一向穩陣的我，一定有早冇遲的，但竟然遇上塞車呀！

不過我都唔蠢，唔會坐喺度等運到，見唔多對路就快快在北角落車轉叮叮，叮叮喺塞車時一定係最快的地面交通工具

會合左奶就出發去開餐了

食友們都到齊了，咁我地可以開動了

我地一行7個人，咁就可以試多D野喇！YEAH

先來包包，包包有4款選擇，每款都好好味，重點都係那個蕃茄SASA，好味呢！

SEAFOOD PLATTER(生版)~~~有誰能抵抗呢？

 麵包蟹~~~不是雪到得雪味的那種，鮮甜都不得了，而且牠的蟹羔多到好似個黑洞食極都有，肉質好實.....美味呢

生蠔~~~是法國的品種，好鮮好甜，仲好JUICY

鮑魚~~~好細心的起肉切片，同樣的鮮甜

帶子刺身~~~肉質鮮甜

SEAFOOD PLATTER(熟版)~~~一班朋友食飯總會有朋友唔係生野的，這食店好細心的，有熟的，非常的好呢！

忌廉青口~~~青口肉好嫰，個忌廉汁好味喎！

焗蠔~~~外面焗得好香脆，蠔仍保持JUICY

焗扇貝~~~芝士味好香濃，肉質保持軟滑

燒龍蝦~~~火喉控制得好好，肉質好爽口又好香龍蝦味，重點是龍蝦鉗已去殼，吃下也比較方便

食完兩個好好味的海鮮，我地就食前菜LU

人多真好，可以試多幾款

黑松露大蝦沙律~~~蝦煎得剛好，肉質好爽口，沙律配上黑醋橄欖油，還帶著黑松露的香，菜菜都非常的新鮮

香煎鵝肝伴紅酒啤梨~~~鵝肝煎得外脆而內軟滑，配上脆脆的多士GOOD，紅酒啤梨也不能看少，帶有酒香又不失啤朵的甜

鵝肝併盤
香煎鵝肝~~~又要外脆內軟
自制黑松露鵝肝醬~~~非常的軟滑，鵝肝味好香濃，還有啖啖的黑松露香
鵝肝鮮蝦意大利雲吞~~~一口吃下非常的感動，醬汁好好味，餡料有不同的層次，有蝦肉的爽口，又有鵝肝的軟滑GOOD

芝士焗扇貝~~~外面焗得好乾身，醬汁好味，扇貝肉又好軟滑

香炸蟹餅伴青檸芥末汁~~~蟹餅啖啖蟹肉，炸得夠香脆，個青檸芥末汁可以中和一下，正！

A5和牛生牛肉伴火箭菜沙律配子薑芝麻汁~~~又係感動之選，只是個簡單的沙律都可以令我們吃得感動呢！生牛肉好香好香，火箭菜係生牛肉的好朋友，好MATCH

吃完咁豐富的前菜，我們都有少少飽了，但又怎能錯過主菜呢，肯好吃意大利菜是慢吃的，上菜都是慢慢上，如果唔係真係食唔到咁多

牛肝菌忌廉湯~~~牛肝菌好好好香，湯的質感好幼滑，幼滑之餘會有粒粒的菇菇可以增加口感

又到中場休息了，我地又爭取時間傾傾傾

主菜又到了
鵝肝牛柳粒燴意大利飯~~~牛柳粒牛味好香濃，鵝肝當然保持水準，意大利飯軟硬適中
鹽燒沙巴龍躉伴大蝦配黑松露菌汁~~~個魚魚好好味，魚皮微脆，魚肉好軟好滑；蝦蝦燒得好香，蝦肉帶有燒烤的香，蝦肉好爽水；配菜是芝士忌廉焗薯，好味到呢！

牛肝菌松露意粉~~~意粉吸收了松露的香氣，意粉又軟硬適中，旁邊的菇菇都好香好香，雖然只是一個簡單的意粒，配料都好簡單，但真係好好味

炭燒美國奧馬哈肉眼扒配紅酒汁~~~肉質本身好好，所以唔需要做太多野已經好好味，肉味當然的香濃，都係果句不可看少的配菜
香草紐西蘭羊架配香草雜菌汁~~~羊架真係冇得輸，是這店的推介，肉是粉紅色的，肉質好軟好好味......點解會咁好味架

 原隻新鮮龍蝦米多~~~龍蝦肉已經起肉，所以食得好方便，味道好好，芝士味夠香濃，配菜又是讚！
 叫這道菜前，WAITER會將新鮮的龍蝦給你睇睇，好似去食海鮮咁架！這個動作好好呢！

大家都飽到抱住個肚呀！
但係呢但係呢，我地點可以唔食甜品呢！

Tiramisu~~~唔好以為跟餐就細細件呀！份量一點都不少架，絶對足夠我們SHARE；味道好好，好香好滑

香檳荔枝慕絲蛋糕~~~海綿蛋糕夠鬆軟，慕絲都做得好幼滑，賣相都很好
熱情果芝士餅~~~好香熱情果香，熱情果的微酸可以中和芝士蛋糕本身的"流"，芝士蛋糕做得好幼滑，好味

FRENCH TOAST~~~LEE個甜品我地大家都認為食下會流淚的，西多真係食得多，但做得好的真的不多，這裡的絶對可以做到外脆內軟，仲要一點也不油，配上雪糕吃真係絶配

榛子焦糖燉蛋~~~好香濃的榛子香，焦糖做得好好
心太軟~~~吃下真的心太軟了，朱味香濃，又要跟ICE-CREAM係好朋友呢

大家今晚食得傾得好開心呀

開心時間過得特別快，時間已經係11點幾喇！
大家都要返屋企休息喇！

提外話：我今日不小心毁容了

　肯好是下巴位，如果唔係就慘了

仲有就係，我今晚終於都收到大少奶本書喇！
雖然返到去已經好夜，但都忍唔住要睇幾頁，但唔知點解睇到有點感覺，好以流淚呀！

大家都去買番本睇啦！

真係要瞓喇！好倦呀！

餐廳資料：

Amore di Italian Restaurant

地址：銅鑼灣駱克道487-489號駱克駅25-26樓

電話：2573 2838