好瞓

洪寶寶食朝11點3先起身呀

重點係只起過一次身飲奶

洪寶寶尋晚食左藥就瞓了

醫生開左一隻只係夜晚食的，唔知係咪果隻藥好眼瞓

所以咁呢？定係.....我個仔大個仔喇

 一起身仲識KISS MAMA

媽媽又要返工了

洪寶寶乖乖食LUNCH，跟住就食藥沖涼瞓妟覺

洪寶寶點解咁反瞓

大約4點幾我就收工回家了

返到屋企又同洪寶寶玩一陣，跟住又要準備DINNER材料了

洪寶寶食左藥好似好左好多

洪寶寶要快快好返呀！

睇多次

唉！洪寶寶D鼻水仲係唔收

仲有D黃色添....點算呀！

一起身就倒亂....哈哈

今朝起身就同豬仔去跑下啦

同豬仔玩玩下，老公車左洪寶寶出黎

返到屋企我就同豬仔沖涼，洪寶寶就食飯仔啦

食飽飽又玩下

 好鍾意洪寶寶著LEE件衫

諗諗下，都係等洪寶寶瞓醒妟覺同佢睇多次霍建中先

洪寶寶瞓妟覺，我地就出去食LUNCH啦

一瞓醒食左APPLE就出去睇醫生啦

去到醫生，唔多人喎

醫生話洪寶寶有少少鼻膜發炎，要食消炎藥呀

食三日應該就會好

睇完就快速回家了

返到屋企洪寶寶食飯，我都要煮飯了

是日晚餐

豆腐蟹肉羹

 吉列豬扒AND叉燒

 又一餐

洪寶寶沖涼食左藥，飲奶就瞓覺了

香煎韭菜餃

其實有冇朋友係唔食韭菜架呢

韭菜餃，煎、煮、煎、炸都咁好味

平時得閒包定就冰櫃，咁就隨時都有得食喇

材料:

半肥瘦免治豬肉 半斤

韭菜 約半斤

餃子皮(圓形白色) 1斤

醃料:

豉油 3茶匙

生粉 2茶匙

糖 1茶匙

鹽 1/2茶匙

胡椒粉 1/4茶匙

米酒 1茶匙

水 6湯匙

麻油 1茶匙

做法:

1. 將醃料加入豬肉拌勻，依一個方向攪拌至起膠

2. 韭菜洗淨切粒，加入拌勻，將拌好的餡料包好保鮮紙放入雪櫃雪約30分鐘

3. 將餡料用餃子包好，做型

4. 下少許油，將餃子放入煎至金黃色，最後加入適量清水蓋上蓋焗至水份蒸發即可

探BB朋友

星期日

姐姐放假

洪寶寶今朝差唔多十點起身

玩一陣大約12點就食飯了

洪寶寶食飯，老公就出去買外賣啦

食飽飽玩一陣就沖個涼舒服下啦

沖左涼就換衫去街街啦

我地約左家偉去佢屋企呀

咁洪寶寶就喺車到瞓覺啦

瞓左大約個半鐘就醒了

咁就上去玩啦

去到見到洪寶寶細個玩的JUMPER，又玩下先HAHA

玩左個幾鐘，大約5點半就回家喇

洪寶寶都有D扭眼瞓了

咁又上車再瞓下啦，我地順便車埋君婷回家啦

返到屋企又要準備食飯了

食飽飽又玩下又睇下兒歌

 姐姐又返黎了

我同老公又出去DINNER了

食飽了又回家SLEEP了

明天又要返工喇

紅卜卜

星期六

係我唯一一日可以瞓得妟D的一天

通常洪寶寶醒左，我就比姐姐，跟住我再小睡多一陣

洪寶寶又搞搞震

洪寶寶食左LUNCH，又嘆下兒歌啦

 瞓妟覺時間

咁我地就快手出去食LUNCH啦

洪寶寶瞓醒，我想同佢出去踩單車曬下太陽

比佢出下汗

因為鼻水都仲係有呀

我地踩到去公園又比洪寶寶跑下啦

玩到面仔紅卜卜

我地都成身汗呀

返到去洪寶寶要食飯了

我同老公都諗下今晚食乜先

韓式辣豆腐海鮮湯

辣豆腐海鮮湯

我家姐同我老公都好喜愛

其實LEE個湯唔洗半個鐘就可以整好

真係唔係吹水

材料：

豆腐 1件

泡菜 適量

蜆肉 適量

蝦仁 適量

大醬 1湯匙

韓式辣醬 1湯匙

韓式辣椒粉 適量

洋葱 半個

做法：

1. 蝦先去殼去蝦腸，洗淨備用

2. 先將泡菜炒香，可唔洗加油

3. 加入洋葱炒香

4. 加入大醬及韓式辣醬炒勻

5. 加入2碗半水，煮滾，再加入蝦仁同蜆肉

6. 最後加入韓式辣粉，滾後加入豆腐中火煮分鐘即可

北沙參麥冬蓮藕湯

小朋友唔舒服，做爸爸媽媽的就最肉赤

久咳燥咳---常反覆發作，病程長

材料：

北沙參 二錢

玉竹 二錢

百合 三錢

麥冬 三錢

蜜棗 3粒

蓮藕 一斤

做法：

1. 蓮藕洗淨切片，連同材料，加入8碗水，中細火煲兩個鐘

功效：養陰潤燥，滋陰潤肺