病ING

仲病呀！
幾時先病好呀！
幾時先好返呀！
幾時先唔洗食藥呀！
幾時把聲唔洗低8度呀！

好辛苦呀！
我個鼻就黎呻到爛喇！

今日D天氣唔知想點呀！好焗呀！
一時天陰陰，一時又陽光充沛喎！

今日老細返黎同我食LUNCH呀！
但我唔舒服，所以我只係食粥！蝕左！HAHA

下晝同個舊同事講開電話，佢地話今晚想去唱K呀！
本來我係拒絶架！始終我病緊麻
但舊同事話出黎聽佢地呻啦！
咁講唔出都唔得啦！

咁收工後返左屋企放低左D野先再出去啦！
地點就係MEGA BOX NEWAY CEO喇！

因為今日係假期前席所以只可以唱三粒鐘，十點要走喇！
走果陣開始落雨呀！
快快歸家吧！

無聊的

可能仲未病好，所以仲係好倦！
原來家姐約今日飲茶，但因為太倦所以冇去呀！

媽咪煲定左粥，我自己整番熱食

 豬腰皮蛋咸瘦肉粥

食完之後又瞓左一陣，同波子玩左一陣
一個好HEA的星期日下午

夜晚約左家姐E一家同家姐C一家同埋媽咪老豆一齊去淘大搵食呀！
我地行左一陣商場，經過PUMA，家姐E見到對平底鞋想買
原來做緊PROMOTION，$549兩對呀！
咁家姐C同家姐E各買一對
林公公同老豆唔蝕底又各自買一對
買完係時候搵食LU

行過間間都咁多人，終於搵到間唔洗排《易牙》

 我叫左個鐵板牛肉定食，味道可以啦！
但D牛肉起"鞋"呀！

LEE餐家姐E請呀！多謝哂！

消費滿$300仲有兩個鐘FREE PARKING添！

餐廳資料：
易牙台式料理
地址：牛頭角淘大商場一期G122舖
電話：2305 0706

即慶

今日係《佛誕》公眾假期呀！

但今日係星期六，我係咪都放假架啦！

今日約左BEAR BEAR同波子一齊去沖涼呀！
約左三點鐘

大約點幾鐘同波子行左一陣就去搵埋BEAR BEAR一齊出發LU
BEAR BEAR每次見到波子哥哥都好興奮
所以比家姐E捉左去冷靜區呀！好可憐呀

出發LU，我地搭VAN仔出土瓜灣同兩隻野行左兩個圈就去沖涼LU
放低左兩個小朋友，我地就去搵食LU
去左燉奶佬到食TEA，都係普通茶餐廳
味道都可以，但服務又係麻麻囉！

食緊野途中，家姐C打黎問今晚食嘜好！
佢提議不如去佢屋企整野食
原本家姐E今日諗住同蘇菲食慶生飯，諗左一陣不如去家姐C到整順便當開生日會

咁等兩隻小寶貝沖完涼帶左佢地返屋企，我地就分頭去買野再會合去家姐C屋企啦！
今晚我負責整意粉、春卷同蒜蓉包
家姐E就負責沙律，瑞士汁雞翼、煎餃同煎手抓餅
工人MARIA就負責洗洗切切同炒菜

 睇下細細個廚房，大家各自準備食物！

用左大約兩小時，大功告成！

睇下幾豐富！大家唔好客氣呀！

玩下食下又一日喇！

探契仔

今日放假呀！雖然仲未病好，但已好多了！
早幾日約左契仔媽今日去搵佢呀！

一早起身整左焗薯比佢嘆下先！

 契仔媽真係我的超級粉絲，我整嘜佢都LIKE架！

去到見到契仔又大個左，唔出聲以為佢三歲呀！其實佢得歲幾炸！
老積仔！

契仔真係好得人鍾意架！又唔怕人喎！又鍾意食野！又唔易喊喎！
契媽好愛你呀！

 坐左一陣，小朋友要瞓晏覺LU，咁我地就出去食LUNCH
我地出左屯門市中心，大家都唔知食嘜好
最後契仔媽揀左PIZZA HUT，真係唔知幾多年冇食過喇！

 其實我兩個點會只叫兩個意粉咁悶呢！HAHA
除左上面個千層麵同香辣蝦蝦意粉
仲叫左一個千島海鮮芝脆迷仔批同雞翼添！咁當然唔會食得哂啦！

跟住兩條友行左一陣就返去LU，個天開始落雨喇！
返到朋友屋企，原來黃雨呀！
同契仔玩多陣，等D雨冇咁大我都走LU
仲拎住2.5KGS的朱朱力走呀！
係契仔婆婆個同事比佢架，佢又知我鍾意整野所以咪比我囉！

 睇下幾大包！有排用呀！真係多謝哂伯友呀！
我會諗下整嘜黎教敬你架喇！HAHA

搭車落左旺角，超級大雨呀！
又唔係好肚餓，我去左金華買左個菠蘿包食當DINNER！

觀禮去

今日都仲係好病呀！
鼻涕仲係長流不息呀！

今朝早返左公司放低D野，就出去化個靚粧
因為一陣要去GARY的錉禮呀！

約左班朋友係又一城等埋一齊去呀

等齊人就出發LU
地點係九龍塘林肯道的伊甸園
雖然婚禮地點都係九龍塘，但因為唔係好識點行，所以我地都係搭TAXI！HAHA
原來都唔近架！都搭左$35架

準時去到，不過原來一對新人仲未到喎！HAHA

 0係度祝一對新人「白頭到老！永結同心！」

註冊完左之後，一對新人為我地預備左野食，因為病的關係，冇嘜胃口呀！

大約兩點就散BAND LU，我就返公司做左陣野LU！

葱水

今日喉嚨好似冇咁痛

但鼻水點解會不停咁流架！
食左藥都好似唔係好WORK咁喎！

0係鼻水長流的日子，肯好有TEMPO盒裝紙

 唔係的話，我個鼻一早就損哂喇！

下晝同契仔媽講開電話，佢話我咁唔舒服，點解唔試下煲葱水飲下呀！

咁放工就去買葱今晚試下煲先

材料非常簡單
葱兩棵連根、葱頭一粒拍扁、薑兩片
一碗水煲15分鐘再焗10分鐘，飲得

飲完就瞓覺LU，飲左一陣好似真係舒服左喎！

Chocolate藍莓Muffin

味道香口又不是太甜，用黎冧小朋友就ARM晒喇！

我的三個兒甥超愛呀！

 

 材料：
牛油 100g
糖 50g + 150g
蛋 2隻 (約100g)
牛奶 150g
低筋粉 300g
泡打粉 10g
海鹽 少許
新鮮藍莓 100g

 做法：
1. 藍莓洗淨，加50g糖拌勻，掩15分鐘
2. 牛油室溫放軟，備用
3. 粉類拌勻過篩備用
4. 蛋打散，不用打發備用
5. 牛油加入150g糖用電動打蛋器拌勻至幼滑
6. 蛋分兩次加入，用電動打蛋器拌勻
7. 加入牛奶，拌勻
8. 粉類篩入拌勻後，用電動打蛋器高速拌勻至幼滑
9. 拌入藍莓
10. 180度焗約40分鐘

打敗仗呀

打敗仗呀！打敗仗呀！

鼻水長流不息呀！

把聲變得很性感呀！

喉嚨好痛呀！

食左藥好眼瞓呀！

好辛苦呀！好辛苦呀！

今朝媽咪蒸左條大粟米比我

好鍾意食粟米，粟米食極都唔厭架！

條大粟米做左我的一人午餐！

 口淡淡冇胃口呀！

作病呀

今朝起身，喉嚨好痛呀！
痛到吞口水都痛呀！
仲好似有少少鼻水呀！

好耐冇病過喇！唔係病呀！唔好啦！我唔想病呀！

拿拿聲食粒藥先，食左藥好眼瞓呀！
扒左係枱到瞓左足足一個鐘呀！
同事們都好好，唔打擾我！HAHA

食過LUNCH後好似病情嚴重左呀！把聲都開始變呀！

都係去見見醫生啦！

 醫生話有D感冒呀！飲多D水同休息啦！

收工去左尖沙咀，順便去買張卡先
因為星期四GARY大婚呀！

每位舊同學結婚我都係0係LEE間買CARD架，佢D CARD真係好靚，不過亦好貴！

係咪好靚先！

家姐E農曆生日

晨早七點幾唔知邊條茂李打去人地屋企，知唔知今日係星期日呀！

十點幾起身，媽咪話佢想我地同佢飲茶
當然冇問題啦！
不過家姐唔會咁早起身架喎，應該要飲下午茶喎！

媽咪話唔緊要啦！等埋一齊啦！

大約點幾鐘，我地就去攞位先

飲完茶媽咪話去花園街行下喎！
我地就返屋企HEA下先！
返屋企途中，媽咪打黎話原來今日係家姐E農曆生日呀！
今晚同佢食飯啦！

諗食嘜真係一件超困難的事呀！
我地諗不如買野去家姐C屋企鐵板燒，最後呢.........
係買D餸再叫PIZZA！HAHA

 

 餐飯真係有D九唔答八！但我地食得好開心呀！

 叫左兩個大PETER仔

8大件炸雞

 家姐整左瑞士汁雞翼同魚湯豆腐淹瓜瓜

 灼海蝦，雖然細隻左D，但好鮮甜呀！

仲有超甜美的西瓜

一個簡單又快樂的晚餐

祝家姐生日快樂，快D唔駛做仲大把錢駛！

開心果

星期六好好天呀，今日天朗氣清呀！

見天氣咁好，帶小波子去行下街先！

跑完步返黎同佢沖個涼再做個SPA先，因為佢身上D粒粒
星期五買左樽死海鹽，一於開盆水幫佢淹淹先！

淹完好似真係好D咁喎！

跟住休息一陣，就去左同BEAR BEAR玩，之後就返屋企LU

 睇緊電視見到DREYER'S出左隻新口味雪糕，一於買黎試下先！

食完晚飯，拎出黎試下先！

味道唔太甜，I LIKE IT！

宮崎

星期五收工去左旺角整D野，搞掂之後就去MEET埋家姐C去食野

打電話睇下佢係邊先，原來佢已經坐低左喇！

佢0係雅蘭二期搵左間食日式烤肉《宮崎》

入到去間野D抽風系統真係好OK，一D煙都冇呀！

每人會送一隻大虎蝦，隻蝦好甜好好味

 其他食物都好新鮮，唔太多調味及醃料，真係很好！

但服務態度就真係麻麻地喇！

食飽飽後，就去MEET埋家姐E去買遊戲機LU
原本家姐E都同我地一齊食飯架，但因為佢CALL極都CALL唔到的士，足足CALL左45分鐘先有車，所以出到黎我地都就食完LU，所以佢同姐夫K去左食翠華再MEET埋我地

因為豬TETE要買WILI，所以我地就同佢去信和買
上到去拿拿聲聲買完就走LU

但我地唔係返屋企，我地去左食糖水
食埋糖水先係完美的一餐！HAHA

餐廳資料：
宮崎日式燒肉店 Miyazaki
地址：旺角雅蘭中心二期地庫A舖
電話：2625 0199
AE卡有9折

滑豆腐得唔得 得左！

嘩！嘩！嘩！

出面個天好黑呀！仲非常大雨呀！

雷暴警告同黃色暴雨都生效緊呀！

今朝返工果陣仲光"殘""殘"架！
宜家果天黑到好似六七點咁呀！係咪收得工喇！

今日真係冇嘜野做呀！其實我真係可以收工呀！HAHA

返到公司，沖番杯熱檸茶飲下先！

 飲緊杯野果陣諗今日LUNCH食嘜好呢？
出面又咁大雨，唔想出去買野返黎食，更唔可以出去買材料番黎整......點算呢？

睇下雪櫃有D咩可以整先
有盒百福滑豆腐喎！點整好呀，豆腐本身冇嘜味架喎！
滑豆腐可唔可以煎呢？煎會唔會散晒呢？煎唔煎到呢？
印象當中，好似冇人會煎滑豆腐！

WHAT'S APP問下人先
高人話唔得話，不過佢叫我試下，試完話佢知......WAKAKA

我就膽粗粗去試下先，不過我選擇唔煎，而係用光波燼焗，我諗應該得
結果

得左，真係好可以外脆內軟呀！仲一滴油都唔洗呀！

不過幫D豆腐用生粉搽左個粉底

材料：
百福滑豆腐 1盒
生粉 適量
鹽 少許
黑椒 少許

 

做法：
1. 將豆腐取出用廚紙給乾水份
2. 在豆腐表面灑上少許鹽及黑椒
3. 豆腐面撲上少許生粉
4. 光波爐高架200度焗15分鐘，轉一轉面再焗10分鐘金黃即可

最後我仲整左個蜜糖芥苿醬點添！正呀

將少少蜜糖、芥辣醬同BB沙律醬撈埋！搞掂！又一餐！