落大雨舊同事飲茶去

今日個天色真係麻麻地，全日個天都係黑黑
不停咁落雨

今日好早就返到公司，未夠八點半已經返到去
真係咁耐都未試過呀

沖杯檸蜜飲下先！

 今日約左D舊同事食LUNCH，所以要諗下整D野佢地食
0係屋企拎左少少材料返公司整左個《迷你椰撻仔》

 LUNCH為左就D舊同事，所以0係佢地公司樓下間《彩雲軒》飲茶
LEE間野D服務態度好到呢......嚴格黎講係冇服務可言呀

D侍應好似個個都有聽覺問題同視覺問題
叫又冇人應，舉手又冇人應

最好笑係有以下對話：M=我    W=侍應
M：唔該幫我加多一張CHAIR
W：等陣拎比你
M：咁可唔可以幫我叫茶呀
W：一陣會拎黎架喇
M：但我未叫開咩茶喎
W：頭先冇人問你咩
M：(心諗)有我就唔會叫你啦！吹賬！香片同滾水唔該
過左一陣
W：唔係喎，電腦話你叫左普里同滾水喎！你又話未叫
M：我ARM ARM黎都話未叫落
W：你係咪BOOK位果陣叫左你唔知呀！
M：都話冇落.........................
痴線架！

食物冇特別，如果唔係就同事方便，我真係唔會再黎！

食飽飽後，返公司途中，見到一間賣碗碗碟碟的舖，入去睇下先
好抵呀！超抵呀！
如果唔係落雨，我諗我會買多D

我買左一個焗盤