講不出聲

有乜的痛是不能形容的？

有乜的傷心是不能形容的？

有乜的唔捨得是不能形容的？

大家可以比個答案我嗎？

尋日我們這一家失去左一隻可愛乖巧的小狗~~波子

我真的不知怎樣去形容我的心情

一整晚的想著波子的生活點滴，波子是如此的可愛，如此的乖仔，真的我從來都未見過一隻咁乖的小狗，我的小波子

今朝一早已經醒左，心一直的好焦急想去見見我的小波子

其實尋晚真的很擔心，擔心波子去到一個陌生的地方會害怕，擔心波子會感到孤單，擔心牠的每一樣

我地終於都見到波子了

波子身體雖然是冷冰冰的，但看上去就好似甜睡中

其實一見到波子，我真係好想抱抱牠，更想錫錫牠，我的小波子真係好得人錫架

我們這一家都好傷心，好唔捨得我們的家人《波子》，你永遠都會在我們的心中

波子：你要乖乖呀！大個仔自己照顧自己，唔好亂食野呀！要開開心心過每一天，我會一直都咁錫你架！

波子真係要跟我們說再見喇！
細佬將波子帶到火化爐前，一按掣，波子就要火化了

大約1個半小時後，我就可以返去拎番波子的骨灰

帶著波子的骨灰，個心好像定了很多，好似波子回到我身邊咁

同波子行左一陣，我就帶著波子回家了

波子回家了，乖乖的在牠的床仔小睡，感覺真的實在了

跟住我休息左一陣就出左去了

朋友EVA同RYDER都知我好唔開心，又擔心我，所以就叫左我去食LUNCH
但我真係冇胃口，就坐下傾下計啦

LUNCH後就返公司做少少野，跟住就落銅鑼灣幫家姐E買D野就返屋企了

原來真係好傷心，一個人會不能控制的流淚

返到屋企真的好唔慣，沒有了波子通屋走
突然覺得我們的家有點冷清....

BELLA豬落黎DINNER會令我們暫時忘記一點傷痛

睇下LEE個BELLA豬幾貪靚

我真係好倦呀！

今晚波子回家了，咁我都可以安心點睡了

希望我們這一家可以快D走出傷痛

蕃薯脆條

話說呢，早兩日買左D蕃薯，想整餅餅比波子

整好後，又剩左D蕃薯蓉喎

喺唔好浪費下，我就做左個蕃薯脆條喇！

材料： 

蕃薯 150g﹝去皮計﹞
低筋粉 90g
高筋粉 90g

 牛油 90g
鹽 2g
糖霜 60g
蛋黃 1隻﹝掃面用﹞
白芝麻 適量

做法：

1. 蕃薯切大粒蒸20分鐘後，將薯仔壓成泥備用
2. 低粉加入牛油，用叉將牛油壓入粉內，直至完全混合成粉粒狀後
3. 加入鹽、糖霜及蕃薯泥拌勻成麵糰，放置約15分鐘備用﹝天氣熱可放雪櫃﹞
4. 麵糰捍成長方型簿片﹝約3mm厚﹞，放表面掃上蛋液，灑上芝麻，切成長條狀
5. 180度焗約15分鐘即可

黑暗的一天

今日我好似有好多野做咁

今朝返到公司好想煲個白粥食下，因為我想試試我整的肉鬆

 食左個白粥後，整少少野我又要出去了

我要去整手甲呀！

大約點鬆D就返返公司，又整左野又要出去喇！

我要落旺角HSBC整公司野呢！

整好哂野就返屋企拎車去MARKET買定D材料先

買好哂野，我就返屋企接波子去街街喇！

這一刻的我還未知道這一次已經係最後一次了

帶著波子先落九龍城買鹽，跟住就出發去玩玩LU

這張相就係我幫波子影的最後一張相了

 一落車過左馬路，放底波子唔夠1分鐘，有架綠色專線小巴將波子撞到，波子這刻完全沒有了反應，我即時抱起牠，聽聽還有心跳，我不理立即開車到診所，希望可以救到波子

但波子去到診所已經冇左心跳了，經過一輪急救後，波子都係救唔到，波子要離開我喇！我個心好痛呀！

不停的自責，點解我要帶波子出去，喺屋企咪冇事囉！

點解？點解？

我身上滿佈波子的血，雖然波子已經離開我們，但我還是想抱抱牠，我唔想牠感到孤單，抱著牠還感到牠的身還是暖暖的

真的好痛，痛到不能形容

點解個天要將一隻咁可愛咁乖的小狗帶走，點解要咁早就帶走牠，點解？

波子真係離開左我地喇！家姐E都CALL了善終服務，大約7點半司機哥哥要將波子帶走喇！

好唔捨得！好唔捨得！

點解要將波子帶走，雖然唔捨得，但都要走喇！

抱抱牠，再鍚鍚牠都要說再見了

再跟牠說：要乖乖，我們明天一早就會黎接您架！

返到屋企，真係好傷心，好難過

尤其睇到老豆媽咪同樣的傷心，波子已經唔係我們的寵物，其實波子係我們的家人，大家都好唔捨得佢

波子：你要乖乖呀！

我真係好掛住你呀！

I LOVE YOU

忙於私務

又一DAY了

早晨呀！

 我好似好耐都冇著過裙了，今日心血來潮就著下啦！HEHE

其實我真係好LIKE著連身裙，貪佢方便唔洗襯麻

返到公司就快手將媽咪煲湯剩左的瘦肉放入麵包機做肉鬆先

 個多小時就會變肉鬆LU

見冇乜野做，就做個簡單午餐啦

 TODAY GREEN LUNCH

《香蒜車厘茄扁意粉》

 雖然冇肉，但好香好好味架！YUMMY

收工後要落佐敦處理一點私務，跟住就行落旺角12蚊店買D野，跟住就搭車去搵契仔媽，拎D蕃薯餅餅比佢麻

仲同兩個契仔玩左一陣，大約十點鬆D就走LU

其實我係未食DINNER的，路經清真牛肉館，就買兩個牛肉餅食下先

個牛肉餅係即叫即做的

 好味呢！充滿肉汁，真係好好味呀！

返到屋企都11點幾喇！

沖埋涼都要瞓了

餐廳資料：

清真牛肉館

地址：九龍城龍崗道1號

電話：2382 2822

芝士蟹肉焗蜆殼粉

早幾日拆定左D蟹肉，諗下用黎做乜好

就用來焗意粉啦！

 材料：

蟹肉 適量

洋葱 半個

甘荀 半條

蜆殼粉 1碗

芝士 適量

蛋黃醬 2湯匙

做法：

1.蜆殼粉放入滾水煮左8分鐘，盛起備用

2. 洋葱及甘荀切粒，備用

3. 下小許油，加入洋葱及甘荀粒炒香，再加入蟹肉炒香，加少許黑椒及鹽

4. 將蟹肉餡加入蜆殼粉，再加入蛋黃醬拌勻

5. 放入焗盤，面層放芝士

6. 以160度焗10-15分鐘至金黃即可

MONDAY

GOOD MORNING

波子比我剪短哂D毛，但都仲係咁靚仔喎！HEHE

 返到公司見有D肚餓，就整個多士食下啦

《蒜蓉多士》

 食飽飽就開工做野了

其實今日係冇乜野做架HAHA

唔洗擔心，冇野做我會自己搵野做

見波子D餅餅食哂了，咁就做番D比佢啦！

買開左蕃薯，咁就買多少少做埋曲奇啦

 一種材料又可以做人吃的曲奇，又可以做比狗狗的餅餅

兩款餅餅都好香呢！

今日又要早D收工呀！

要幫家姐E帶肥BEAR去覆診呀

BOOK左5點半，結果差唔多等到7點先有得睇，冇辦法啦！

DR ANDREW太多人睇了

覆完診，冇事了！可以返屋企DINNER了

其實今日都幾倦！

早抖喇！

粟米蛋沙律包

粟米~~好味

蛋沙律~~好味

咁用來做包就一定唔難食啦

材料(A)：
高筋粉 600g
酵母粉 2茶匙
糖 70g
鹽 1/2湯匙
奶粉 1/2湯匙

材料(B)：
雞蛋 1隻
冷牛奶 190ml
冷水 100ml

材料(C)：
室溫牛油 60g

材料(D)：
雞蛋 3隻
新鮮粟米 1條
BB沙律醬 適量

 做法：

1. 先將雞蛋烚熟切碎，粟米MEET粒加入BB沙律醬拌勻，備用

2. 將材料(A)攪拌均勻

3. 注入材料(B)拌勻成糰

4. 加入(C)拌成光滑麵糰

5. 讓麵糰蓋濕毛巾發酵1小時

6. 將麵糰排氣，再蓋濕毛巾及保鮮紙放入雪櫃兩小時

7. 把麵糰取出分成約重40g，將麵糰按扁包入粟米碎蛋搓圓，在包面用剪刀剪十字

8. 再蓋濕我巾讓麵糰發酵50分鐘

9. 最後，塗上蛋液，以190度焗10分鐘即可

太舒服了

今日真係好好天呀！

心血來潮不如同波子去郵輪碼頭跑下步先

天氣真係好舒服呀！

波子真係好開心呀！

 邊有隻狗狗笑得咁開心架！HAHA

 有陽光又有微風真係超舒服

 行到碼頭的另一邊，好大風呀！

 可以放繩跑跑真係好FREE

LEE到真係巧舒服呀......

 波子：我真係好開心呀！

 跑到好倦了，要返屋企喇！

但上到車都仲笑緊，睇黎真係好開心喎！

 玩到倦哂，返到屋企就要剪毛同洗白白喇

搞掂哂都成兩點喇！

我真係好倦呀！

煮左個烏冬食再睇下RUNNING MAN，咁就一個好HEA的下午了

DINNER唔想食太多野，媽咪話煲白粥，好喎！

夜晚睇下電視，又到SLEEPING TIME了