熱到呢！

這個復活節假真係好HOT呀！

HOT到要換季了

今日去BBQ呀！

天氣真係好熱呀，不過都有風的！仲耐唔時有幾敵雨架！

一班人燒下、食下、傾下又打下麻雀真係好HAPPY

 我地一燒又大半日了

大約7點就走喇！

要返去餵波子食飯同食藥呀！

 雖然仲係好飽，但都落去食D野啦

我地去左工業區間《阿鴻小吃》

唔好以為工廠區冇乜人呀！要排隊架！我地一行10個人，剛好可以安排入房YEAH！

五香牛展~~~好入味！但我個人覺得乾左D，味道好的

素鵝~~~其實係腐皮，個汁甜甜地，好味！

 鹵水墨魚片~~~刀工一流，切得薄薄的，墨魚好鮮味又有咬口

 金蒜腿茸白菜仔~~~白菜好嫰，配上金蒜好香喎！

招牌撈麵~~~麵質好彈牙，好味！配上微辣的XO醬，再加埋銀芽、薑同葱，簡單得來好味！

 蠔仔粥~~~粥料都好豐富，蠔仔都唔細架，D蠔粒粒都白雪雪架！味道唔會太濃，清清地但又好好味！重點係有大地魚GOOD

 麻香雞腳筋~~~好香好香！好香麻油味，雞腳筋又爽又脆，又好入味！

鹵水鵝片~~~好香又唔肥GOOD，個鹵水汁好香但又唔會好咸GOOD GOOD

 鹵水掌翼~~~鹵得好入味，墊底的豆腐好滑滑

蒜香雞~~~D蒜好香，但隻雞冇乜味喎！可以唔洗ENCORE

 食飽了，又係時間歸家了

真係開心愉快的一天！

餐廳資料：

阿鴻小吃

地址：觀塘鴻圖道83號東瀛遊廣場地下A舖

電話：3107 4111