母親節

又到一年一度的母親節了

今朝特登早點起身做個蛋糕先

今日我要做一個芒果千層蛋糕，所以要做定個粉漿先

跟住就要續層煎了

我喺廚房煎餅皮，豬仔就乖乖坐喺門口

 煎左大半個鐘，終於都煎好了

真係煎到我成頭汗呀！

等D餅皮涼D先整了

一層一層，終於都整好了

一共18層，放入雪櫃雪硬佢先

豬仔又瞓住妟覺陪我整蛋糕了

 其實仲剩左D餅皮，我又用黎做左20件芒果班戟

 整好哂又洗好哂野，就同豬仔去跑跑了

本來諗住去球場跑跑，但有管理員唔入得

咁就去附近個公園啦

玩左一陣就走喇......勁多蚊呀！

天氣真係好熱呀！

豬仔行左半個鐘都唔想行了

 返屋企快手幫豬仔洗手洗腳，跟住我就沖個涼

休息一陣就出去食母親節飯了

出門口前幫個蛋糕做埋個裝飾先

 姐夫K喺九龍城間潮州野訂左位

是日新衫新褲LOOK

睇下有乜食先

先來個冷盤醒醒胃

冰鎮酸梅涼瓜~~~味道酸酸地，涼瓜好爽，涼涼地...好味！

 綠荳邊春卷~~~個餡料好得意呀！綠荳邊好粉，配上脆脆的春卷又好味喎！

潮州鹹雞~~~雞肉好滑，味道剛好

 金牌鵝片~~~唔太肥GOOD，鵝片肉好滑，墊底D豆腐都好好味

 鹹菜胡椒豬肚湯~~~好胡椒呀！飲完真係成個人熱辣辣呀！豬肚煲得夠"林"又夠味呀

蝦乾荷豆炒象拔蚌片~~~油左D，但荷豆炒得剛好，象拔蚌又好好味

蝦棗，蟹棗及花姿春卷拼盆~~~蝦棗同蟹棗個人覺得麻麻地，因為潮式的蝦棗唔係彈牙的，個春卷又好好味喎！

椒鹽九肚魚~~~好味，夠乾身GOOD

金牌生炒骨~~~小朋友非常LIKE的，味道剛好

 金銀蛋莧菜~~~好味喎！

香煎蠔仔烙~~~煎得好香脆，唔需要沾醬都好好味

 紫菜肉碎象拔蚌膽粥~~~粥煲得唔錯，粥料好足夠NICE

 葱油反沙芋~~~芋頭做得好"粉"，又唔會好甜......YUMMY

其實環境真係麻麻，但食物都唔錯

不過呢！最慘就係小店有個冷氣壞了

真係食到滿頭汗呀！

食飽飽後又有我自家制的芒果千層蛋糕

 媽咪，母親節快樂！

睇下，真係好多層架！

食飽飽後就快快返屋企搵豬仔了

我今日真係好倦呀！

差唔多企左一日呀！

沖完涼HEA左一陣就瞓了

餐廳資料：

南記飯店

地址：九龍城衙前塱道4號地下

電話：2716 1221 / 2383 5011