驚喜......YEAH

星期六，似涼又有點熱

一起身就見到LEE隻可愛豬

 起身後要換衫返一返公司呀！

因為我的黑蒜今日可以出爐了

豬仔又送我出門口了

 今日都係著番衫長袖衫好D了

搞掂喇！

 睇下幾靚仔呢

整好D黑蒜就返屋企了

媽咪煲左西洋菜湯，飲番碗先

仲比左一件紅蘿蔔豬仔食，第一次食紅蘿蔔

 食得好開心呀！

我飲完湯，豬仔又食左紅蘿蔔，我又要出去了

我要車BELLA豬去INTERVIEW呀

出到去，會合左家姐E，咁我就喺出面睇住架車了

驚喜就係LEE個時間發生喇！

我..我..我見到發哥呀！

一見到一刻即飛落車衝過去自拍一張先

好開心呀！

BELLA豬INTERVIEW後就去食碗麵，去左九龍城黃明記食墨丸粉，食飽飽後就返屋企了

返到屋企休息一陣又出去了，約左朋友去睇《那一天我們會飛》

原本諗住喺APM睇的，但時間配合唔到，最後只可以揀新都城......

我覺得套戲幾好睇，可能係因為男女主角都係我LIKE的HAHA

睇完戲就要去搵野食了，担白的說新都城新店都唔少，但可選擇的真係講唔出，最後就搭車落POPCORN食啦

去到就揀左食《翡翠》

我好肚餓呀！

五香牛月展拉麵~~~牛月展夠"林"，但味道麻麻，而且牛展好紅，好似加入色素咁，麵質普通啦

 小籠包~~~皮都夠薄，有湯汁，餡料都好多GOOD

炸春卷~~~春卷炸得好香脆，一點都唔油NICE

 糖醋排骨~~~味道酸酸甜甜好好味又好醒胃，但肉質"林"左D

 炸銀絲卷~~~失敗之作，一點銀絲都見唔到喎，只可以叫做炸饅頭，味道冇問題的，包皮都炸得好脆

 五殼炒飯~~~飯炒得好乾身，一粒粒好好味GREAT

LEE度食物一般般啦，位都坐得舒服的，但服務就要好好改善，服務員數量眼看都唔少，但大多數都係行行企企

食飽飽就要回家了

一個好充實的週末

餐廳資料：

翡翠拉麵小籠包

地址：將軍澳POPCORN商場1樓F09號舖

電話：2673 3108