突然BB蕉

自從轉左工之後，工作性質挑戰多左，量反而比以前輕左好多，而且自由度又大左好多，只要自已搞得掂D野就OK了。

所以宜家平日返返下工會出左去同朋友聚會或者做自己野！HAHA﹝很多朋友羡慕ING﹞

今日就正正一個好例子喇！朝早返到公司好快手咁就做完晒D野，就係到咁有咩做好呢！諗諗下......不如去剪頭髮啦！即刻打去BOOK，一心打算3點半走，剪完ARM ARM好返屋企食飯！真係太美妙了！

正正諗好晒之際，紐紋打黎，對話如下：

K=紐紋    C=我

K: 喂！一陣BBQ你得唔得呀？

C: 得呀！不過我一陣又BOOK左剪頭髮喎！咁我打去CANCEL囉！聽日先剪

K: 唔洗啦，我一陣都要覆埋診先得，你剪完先打比我啦！

C: OK，咁我宜家(當時係下午兩點)即刻走，大約4點OK架喇！

剪完頭髮，就MEET埋紐紋一齊搭車返屋企拎車出發，再去接埋一個阿治，咁就成行了。

我地目的地係大欖涌燒烤場，去到都冇嘜人，全場計埋我地都係得三枱人，因為今日係星期一，應該冇嘜人好似我地咁傻話燒就燒！

三條友由5點幾燒到夜晚11點到諗住走，突然超大雨，不過好才有揸車。