收音機

一向都有個聽收音機習慣，尤其係返工前同臨瞓前；

最鍾意就係聽〈在晴朗的一天出發〉同埋〈1872遊花園〉

自從舊年轉左工後，收音機會倍住我做野喇，

除左要靜靜諗野果陣會熄左去。

我一向都係一個非常容易開心的人，少少都可以笑餐飽，係樂天派掌門人！

所以好多時聽聽下收音機都會不自覺地咪咪嘴咁笑出黎

有時搭車時，D人會用好奇怪眼光望住我，可能以為我係傻，無啦啦係度笑！

就好似今日咁，返工途中，主持人正訪問緊唐英年個老婆，

照道理係冇野好笑，但去到節目尾段，主持人就問唐英年老婆，

好多都話你同阮小儀好似樣喎，你點睇呀............其實佢答0架野都冇野好笑

直到下一個節目〈早霸王〉，森美就因為似唔似LEE個話題，話小儀一大堆野；

我真係笑左出聲！

有時都覺得自己好搞笑！其實係無聊至真！