老朋友聚

睇到個標題，好似講到自己好老咁！ＨＡＨＡ

今晚約左兩個由中一識到宜家的朋友食飯，我地由中一已經認識
一齊讀書，一齊打波，回想起讀書時，真係好開心
冇憂冇慮，冇壓力
睇番宜家大家都出左黎做野，各有各的忙碌生活
有工作的壓力又有家庭壓力，
我地ＬＥＥ　Ｄ八十後真係好慘

講番正題先，話說紐紋四月開始返新工
咁就０係佢返新工前約埋哨哨出黎聚聚，
我地揀左新港中心間鼎泰豐食飯

 因為知道冇得ＢＯＯＫ位又知過左７點會超多人
所以我大約６點半到入座，但要７點５５分交枱
其實我地一坐底，已經傾傾傾，最後我地就點下以下美食 

紅油炒手

 牛肉麵AND小籠包

 馬蘭頭AND醉雞

 我地真係準時交枱，咁我地就轉戰去食糖水

我地三個由尖沙咀行去油麻地《綿綿冰》，
因為上次同紐紋食過，覺得佢Ｄ蕃薯糖水夠薑
一試難忘
但今次好失望！
蕃薯唔熟，糖水冇薑味，仲要超甜！

 

 食飽飽，我地就各自返家ＬＵ