公司打邊邊......SO CRAZY

話說尋日紐紋朝早要去中環INTERVIRE，咁佢IN完就過左黎搵我

一人諗住過到黎都係食個LUNCH，吹吹水
點知條友仔拎埋《以色列麻雀》黎，咁我地就開局了！

 一個好好玩的GAME，又可用用腦！

玩左一陣我地就落街食下午茶LU，係返公司途中就諗今晚食嘜好呢？

天氣凍凍地，打邊邊簡直係不二之選呀！

但係邊度打好呢，我就提議不如買野返公司打啦！

但兩個人買野真係有難度喎！唔知會唔會有朋友陪我地癲呢？

有的話就GO GO GO，冇就出街打啦！

咁就打比LEUNG婷，因為係公司0係附近，但佢成日都要OT

打左比佢，佢真係要OT，不過應該大約8點會收工，咁佢又有興趣

咁就即刻同紐紋去買野LU

得三個人，每樣只可以買少少，食物方面有：

炸魚蛋、墨魚丸、豆腐、蝦、雲吞、牛柏葉、肥牛、賴尿蝦、響鈴、雞件、冬瓜、西洋菜、唐生菜、水餃......仲買左個醉雞湯底添！

雖然每樣都係少少，不過加埋都唔少！HAHA

 好肚餓呀！我唔客氣喇！

飲飽食醉後，我地又玩左一陣GAME，

玩到12點幾，又係時候返家搵周公LU

每次打邊邊都會食剩野，今日我就用剩餘物資

煲左個西洋菜檸蜜潤下喇！