給我一天假

今日雖然係星期五，正常係要返工架！
不過我放自己一天假！HAHA
因為約左紐紋一早就去唱早K呀！
我地首先係去食個麥當當早餐，咁大約十一點就去左MEGA BOX間CEO唱
因為一早BOOK左位，咁又可以唱到四點同埋有海景房喇！

我地今日主打係舊歌，因為新歌真係唔太熟
有D新人我直頭唔知係乜水添！HAHA

唱早K真係好抵架！每人都係$80大元，包一午餐同一個無酒精飲品
不過個午餐就真係麻麻地喇！唔凍又唔熱咁！所以我地都冇嘜食到

唱完K後，我地就行左陣吉豬島，再出旺角買野

途中去左金華買左個菠蘿包食同埋係花園街食左串魚皮餃

之後諗住去朗豪坊間UA睇下買唔買到飛睇飢餓遊戲，點知......7點半同7:50兩場都得番頭兩行
點睇呀，我諗睇完都要BOOK定睇醫生呀！HEHE

跟住唔理咁多，去左好景賣GAME先，一路行一路SEARCH下邊到有得睇啦
終於比我搵到奧海城間百老滙7:10有位喎！咁賣完GAME即係行過去
我地去到都係7點鬆D，但係超多人排隊買飛
終於都買到飛，同準時入場LU

提外話：原來宜家AE白金卡逢星期五百老滙買一送一呀！不過我冇帶AE卡！OH

套戲真係好好睇，不過我又覺得好似有D慘！
唔講咁多，有與趣自己入場睇啦！

睇完戲，行番出旺角都十點喇，係時候搵地方醫肚
近近地就去係家樂入面間板前，夜媽媽都要等10張枱，痴架
不過都照等，因為唔想行，好倦呀！